سلطة المقرونة والخضر المشكلة

كنقدم لكم اسهل سلطة المقرونة و الخضر المشكلة كتجي

هائلة فالمنظر و لذيذة فالمذاق لي ذاقها

كتعجبو وساهلة في التحضير 

اسهل سلطة المقرونة و الخضر المشكلة

مقادير اسهل سلطة المقرونة و الخضر المشكلة 

سلطة بالكروفت و الخضر

مطيشة مقطعة طويلة بحال في الصورة – الذرة – سومون مدخن –

كروفيط – زيتون اسود مقطع – بيض مسلوق نسيت مصورتو –

خضر مشكلة مقطعة صغيرة ومسلوقة انا كنشريها جاهزة –

علبة التون – مودزاريلا – فرماج مقطع مربعات

طريقة تحضير السلطة 

كاناخذو شعرية بهاد الفورمة كتجي حسن نسلقوها في الماء

ونسقطروها في شي شبكة ونخويو عليها ماء بارد ونخليوها

الوقت الكافي حتى يتحيد منها الماء

سلطة بالكروفت و الخضر

من بعد كنحطو فوقها المقادير التالية

الذرة – علبة تون بالزيت ديالها – زيتون – الخضرة – والفرماج

سلطة بالكروفت و الخضر

كنخلطو الكل مزيان ونديرو الملحة والخل او لاصوص الجاهزة ديال

السلطة منديروش الزيت حيت الطون فيه ديجا الزيت

سلطة بالكروفت و الخضر

ونفرغو في طبق التقديم ونزوقو بمطيشة والبيض في الجناب

والسومون نلفوه على شكل وردة ونزوقو بيه في الوسط

والكروفيط نوزعوهوم على كامل الطبق والمودزاريلا

حتى هي في الوسط وشوية القسبور يابس من الفوق

وها لالة مولاتي السلطة واجدة

سلطة بالكروفت و الخضر

نتمنى تجربوها لانها فعلا لذيذة

سلطة بالكروفت و الخضر

بالصحة و الراحة

7 تعليقات

ترك تعليق