البطبوط معمر بالدجاج وصلصة الطماطم

اليوم أقدم لكم طريقة عمل البطبوط معمر بالدجاج وصلصة الطماطم ، شيّار بحشوة الدجاج ممكن ان نعتبروها من الوصفات المناسبة لمائدة الافطار في رمضان ، تايجي رائع مع الشاي وكاين اللي تايفضل البطبوط معمّر بالدجاج مع العصير

 البطبوط معمر بالدجاج

مقادير العجين

ربع كيلو الدقيق الفينو
2 كيسان الدقيق الفورص
القليل من الملح
ملعقة متوسطة خميرة الخبز
الماء الدافئ
مقادير الحشوة
2 حبات طماطم
الثوم
قزبر ومعدنوس مفروم
الزيت الملح التحميرة الكامون
هبرة الدجاح
البصل الإبزار
سكينجبير
الزيتون

طريقة العجين 

كتخلطي جميع المقادير وكتجمعي العجين ديالك بالماء الدافئ وكتدلكيها مزياان

وتخليها ترتاح 10 دقائق منبعد كتطلقيها بالمدلك وتقطعيها جوائر وتخليها تخمر ساعة ولا كثر

وبالنسبة لصلصة الطماطم

كتطحني الطماطم مقشرة هي وحبة التومة وكتعمليهوم فمقلة وكتضيفي عليهم الزيت والملح والكامون والتحميرة والقزبر والمعدنوس مقطع

وكتخليها طيب حتى كتنشف من الماء

وفي مقلاة أهرى كتشخري البصلة مع هبرة الدجاح مقطع وحبة تومة محكوكة والقليل من القزبر والمعدنوس

والزيت والملح والإبزار وسكينجبير وزعفران ملي كتطفي عليهوم زيدي معاه الزيتون مقطع

وكتطيبي البطبوط ديالك وكتعملي فيه معلقة صغيرة من صلصة الطماطم وكتعمريه بالدجاج

تقديم البطبوط معمر بالدجاج

كيجي رااائع وبالصحة والراحة

جارتكم LAMARTI

6 تعليقات

ترك تعليق