الحرشة في الفرن ساهلة ولذيذة من الجارة ميما

السلام عليكم حباباتي جبت ليكم ليوم طريقة ومقادير الحرشة في الفرن ساهلة ولذيذة 

هاد الحرشة في الفرن شهوة منها ساهلة كانضن غتعجبكم

الحرشة في الفرن

مقادير الحرشة في الفرن

2 بيضات
كاس معامرش تاع الزيت
كاس سنيدة
كاس حليب
1 فاني
1خمارة حمرة
شوية خميرة تاع الدار
شوية تاع الملحة
سميدة رقيقة تقريبا زلافة ونصف
2 معلقات تاع دقيق الفورص

الطريقة:

كنخلط البيض وسنيدة ونزيد الزيت وفاني ولحليب
(كندوب لخميرة والملحة فشوية تاع لحليب)

كنخلط كولشي ونزيد 2 معلقات الدقيق

وكنزيد سميدة عينكم ميزانكم خاص الخليط إكون قاصح وشاد فراسو ماشي بحال الكيكة،

فالاخير كنزيد لخميرة الحمرة.

كندهن المقلة تاع البطبوط بالزيت وندردر عليها شوية تاع السميدة

و كندخلها الفران

حرشة

الفران ميكونش مجهد طيب على خاطرها

حرشة

بالصحة والراحة

جارتكم ميما

9 تعليقات

ترك تعليق