الفول مدمس المصري اللذيذ بطريقة غزالة

جديد جارتكم أم هديل اليوم طريقة عمل الفول مدمس المصري بالصور والخطوات

اليوم جبت ليكم وصفة تاع الفول مدمس المصري طريقة تاع راجلي

طريقة غزالة وبينية بحال البيصارة تاعنا لاكن بطريقة مختلفة وبنينة

الفول مدمس المصري

مقادير وطريقة الفول مدمس المصري

كنحتاجو الفول بقشورو داك صغير ونرقدوه بليل

وكل شوية نغيرو لماء تاعو

جوج مرات تلقاي دوك فقاعات المهم فصباح  كتجيبيه وتغسليه مزيان

ونقوم بوضعه في الكوكوت

وممكن تزيدي عليه حبة جزر حسب الرغبة انا مدرتهاش

وديري فيها لما وسدي عليه كوكوت مزيان خاليه حتى ساعة

وطلي عليه شوفي واش طاب وخالي فيه لبلول غي غطحنيه 

كتجيبيه وقومي بطحنه في الخلاط الكهربائي 

لما يبرد شوية عاودي طحميه من جديد فطحانة تاع مطيشة

باش داك لقشور ميدوش بزاف او عركيع فشي شبكة كبيرة صفاية

والنتيجة ستكون على الشكل اللي فالصورة

نجيب مقلة تعي ولا عندك بصلة حريف احسن حيث

وقتها غادي تقطي تقريبا جوج منهم انا درت فلفة صغيرة مقطعة طريفات صغار

وشلظت البصلة حيث مكانتش متوفرة عندي بصلة تاع احريف

ونحط عليهم شوية تاع الملح ولبزار وزيت ونخالهم يتشحرو مزيان حتى يطيحو

ونزيد عليكم الفول لي طحنت وكمون معلقة وقزبر مطحون معلقة

جوج معالق من طحينة

هما كيديرو تاع زنجلان حيث غالية عدنا حنا فالاسواق

كندير غي هادي حتى هي زوينة  تاع الكاوكاو مفايتاش 25 درهم

يباع فالمتاجر الممتازة ( أسيما، مرجان … )

ونزيد عليهم عصير حامضة ونخاليه حتى يندمج ونا كنخلط

حتى يولي بحال هاد الشكل

وناكل الفول مدمس المصري بالرغيف اللي فصورة

الفول مدمس المصري كيجي رائع والله متشبعو منو

والافضل أنك تضيفي له زيت العود في الاخير

وبصحتكم البنات لي تشهات الفول مدمس المصري ديرو ههه

7 تعليقات

    • بصحتك اختي منار راه كيجي غزال الى كنتي فالخارج شري غي داك معلبات وطحنيه شوية وزيدديه عل فلفلة وبصلة كيجي رائع متشبعيش منو

  • Salam khti om hadil rbi yhfdk wallah Yshl omourk ba9i mawldt mazaliya 3mois rah Chrit tahina dyal znjlan wfzgt lfoul lila ndirha in chaa Allah wach dyal lhms hta hiya nfs tari9a rajli bgha dyal lhms fayt klaha wach nfs tari9a lmohim thlay frask bzaf wghir sbri maykoun Ghir lkhir Salam 3alikom

  • السلام اختي زكية كيدايرة لاباس عليك درتي شي بيبي ولا لا
    اختي انا الحمد الله يسول فيك الخير ربي يخاليك وخاليلك ما عز عليك
    الفول كيجي غزال متشبعيش منو راه طحينة راه مجودة تاع الكاوكاو الى ملقاتيهاش ديري تاع زنجلان مجودين عندكم فمحلات الشارة غنقوليك غتلقايها حدا علب معلبة الخضر والفول فلغايون موجودين

    وراقي باقي اختي كنتسنى تعطلت ناض فيا لبكتيريا نهار يبغي الله نشاء الله كولشي باذنو ربي يخاليك
    قوليلي واش ولدتي كيدرتي مع الغربة

  • Salam okhti om hadil kif dayra cv Amdra wach mchiti 3nd rajlk aw ba9i Allah ysr omourk ana chhani hadchi lmochkil ma3rft mnin njib had tahina wach daroriya n9dr n3wdha bchi haja Okhra 3la ma yjibha liya rajli yalah wslto 9ali kayna wana bghit ndirha ghda jawbini 3afak

ترك تعليق