بايلا بالدجاج سهلة واقتصادية بالصور للمراحل

السلام البنات، فالحقيقة جارتنا ايمان طلبت مني بايلا بالدجاج سهلة واقتصادية

واليوم وجدتها لعشا للدراري جات بنينة وهاد البايلا صحية أيضا

بايلا بالدجاج سهلة واقتصادية

المهم المقادير والطريقة:

فوق عافية متوسطة،نشحرو بصلة محكوكة وزوج مطيشة تاهما محكوكين،

وثومة محكوكة،ومعدنوس مقطع ، مع الزيت العود والمائدة،

والتوابل: ملح،ابزار سكينجبير كركم شويش طحميرة زوج حبات هيل (قعقلة )

،شوي قرفة،معلقة كبيرة مطشة دالحك،ورقة سدنا موسى،وضامة دالبنة،

منبعد نزيدو طراف الدجاج،نشحرهم 5دقائق،

payla 9tisadya

ونزيد الخضرة كاملة:

جزرة محكوكة،شوي جلبانة،فلفلة خضرة مقطعة،وممكن ديري الوان،

payla 9tisadya

ونمرقو بالماء حسب الروز،نسدو عليها لمدة 10دقائق،

payla 9tisadya

من بعد ندوقوها ،ونزيدو الروز،ونقصو العافية تكون مهيلة ونخلوها تا طيب وتنشف

ونزينوها بالحامض مصير ،الفلفلة الوان مشوية ومقطعة شرائح،

قبل من زينوها ندخلوها لفران تحمر شوي

payla 9tisadya

وبالصحة والراحة بايلا بالدجاج سهلة واقتصادية ليك وللعائلة

11 تعليق

ترك تعليق