بريوات بالخضر للعشاء صحية و مقرمشة وشكل كيشهي

السلام عليكم جارتي
جبت ليكم اليوم شكل جديد ديال
البريوات بريوات بالخضر صحيين
خفاف و لذاذ للعشاء كنتمنى تجربيها

بريوات بالخضر

 نبداو بسم الله

مقادير بريوات بالخضر :

3 حبات خيزو محكوكين
3 حبات قرعة خضرا محكوكين
بطاطا محكوكة
بصلة مقطعة رقيقة
زيتون بلا عظم مقطع
قزبر و معدنوس مقطعين
شوية شعرية الصينية
كبدة الدجاج مصلوقة في الماء و الحامض
2 معالق الزبدة
الملح
ابزار
سكنجبير
تحميرة
ضامة زعفران
ضامة كنور دجاج

طريقة تحضير بريوات بالخضر :

فمقلة كنديرو البصلة كتشحر في
الزبدة ملي ترخا نزيدو خيزو والكرعة و البطاطا
وملي يطيبو مزيان نزيدو الزيتون وكبدة الدجاج
ونضيفو الملح الابزار سكنجير التحميرة و ضامة زعفران
و ضامة كنور دجاج و الشعرية الصينية ونبقاو نحركو
حتى تخلط التوابل كاملة مع المكونات ديال الحشوة
ومن بعد نخليوها تاخد درجة حرارة المطبخ

ونجيبو فهاد الاثناء الورقة ديال البسطيلة ونقطعوها طويلة
ونجيبو شوية الحشوة

ونطويوها على شكل مثلث

وندهنوها بالبيض و ندخلوها للفران
و هاهيا بريوات بالخضر
بالصحة والراحة جارتي كنتمنى تجربيها 

3 تعليقات

ترك تعليق