بسكويت متبل بطريقة جد سهلة

 السلام عليكم جاراتي الفنات ان شاء الله
تكونو بافضل الاحوال وصفة هاد المرة من
مطبخ الاخت ليلى عقيل بسكويت متبل
مشروحة بالصور وبطريقة جد سهلة
ان شاء الله تعجبكم وتبقاو تقدموه
لحبابكم وتوجدوه لوليداتكم
نتوكلو على الله ونبداو بسم الله

بسكويت متبل

المقادير :

نص كاس زبدة
نص كاس سكر صقيل
2 كيسان دقيق الفورص
نصف معلقة صغيرة خميرة الحلوى
معلقة كبيرة سكينجبير
معلقة صغيرة قرفة
قبصة قرنفل مطحون
قبصة حبة الهيل مطحونة
ملح
معلقة كبيرة عسل
للتزيين :
سكر الصقيل

طريقة تحضير بسكويت متبل  :

كناخدو جميع المكونات الجافة لي هي
الفورص والخميرة وسكينجبيرو القرفة
والقرنفل حبة الهيل والملح

بسكويت متبل

ونغربلوهم فغربال صغير مجموعين
ونخليوهم على جنب وناخدو الزبدة ونخلطوها
مع السنيدة

بسكويت متبل

هي والعسل

بسكويت متبل

حتى يولي عندنا خليط متجانس ابيض
وخفيف ممكن هاد العملية نديروها بالطراب
اليدوي اولا الكهربائي وهاد الاخير هو لي
غيكن احسن

بسكويت متبل

وعاد نزيدو الخليط ديال الدقيق
والمكونات الاخرى

بسكويت متبل

وغير نجمعوها مندلكوهاش حتى تولي
عندنا عجينة رطبة ومتجانسة متماسكة
ناخدو جوج قطع ديال البلاستيك الغذائي
الاولى نفرشوها فوق البوطاجي اولا الطبلة
ونحطو العجينة فوقها ونغطيوها بالقطعة
الثانية ديال البلاستيك ونطلقوها بالدلاك
بهاد الطريقة العجينة كتبقا لينا رطبة
ومكتنشفش عكس ملي كنديرو الطحين
ونقطعو بسكويت متبل بالمقطع لي حبينا
انا درتها بابسط الطرق قطعتها بمقطع دائري

بسكويت متبل

عادي وتقبتو بفورشيطة ودرت الفران يسخن
على نار متوسطة ونستفو العجينة ديالنا
فوق طاوة مدهونة بالزيت ومرشوشرة بالطحين

بسكويت متبل

اولا مغطية بورق الطهي تحمر غير شوية
ونخرجوها وندردرو فوقها سكر كلاصي
ونقدمو بسكويت متبل

بسكويت متبل
بالصحة والراحة

بسكويت متبل

في امان الله

ترك تعليق