بغرير السميد بالطون مذاق مختلف ورائع جدا

السلام عيكم جاراتي الحبيبات ان شاء الله
تكونو بخير وعلى خير لقيت واحد الوصفة
بغرير السميد بالطون في موقع bouchra cuisine

من عند الاخت بشرى وبغيت نشاركها معاكم هي
لمحبي الاطباق المالحة مافيها حتى تعقيد فقط
اضافة بسيطة كتخلى المذاق ولا اروع
نتوكلو على الله ونبداو بسم الله

بغرير السميد بالطون

المقادير :

زلافة دقيق القمح
زلافة ونصف ماء
2 اكياس خميرة الحلوة
معلقة صغيرة خميرة الخبز
شوية الملح
1 حبة بصل
1 معلقة صغيرة قزبر ومعدنوس مقطعين
ملح ابزار
علبة سمك مصبر

طريقة تحضير بغرير السميد بالطون :

اول حاجة فمقلة كنديرو شوية الزيت ونديرو
بصلة مشلضة تشحر وملي تذبال نزيدو عليه
القزبر والمعدنوس حتى الاخير عاد نزيدو الملح
والابزار وبحال هاكا مغنحتاجوش نديرو كمية
كبيرة وعاد نزيدو الطون فالاخير

بغرير السميد بالطون

ونحركوهم مزيان ونخليوهم على جنب
ونمرو للمرحلة الثانية لي هي تحضير العجين
فخلاط كهربائي نديرو دقيق القمح والما دافي
والخميرة ديال الحلوة وديال العجينة ومليحة
ونطحنو الخليط مزيان

بغرير السميد بالطون

وملي تولي العجينة جد متماسكة ونزيدو
الخليط ديال الطون

بغرير السميد بالطون

ونعاودو نطحنوه حتى يولي متجانس مع العجين
واخر مرحلة فتحضير بغرير السميد بالطون هي
الطهو نسخنو مقلة ديال البغرير ونطيبوه بالطريقة
المعتادة ديال البغرير

بغرير السميد بالطون

ونقدموه سخون بالصحة والراحة كنتمنى يعجبكم
ونالو نصيب من صالح دعائكم ولاغلى الناس بالشفاء العاجل
ولصاحبة الوصفة جزاها الله عنا كل خير

بغرير السميد بالطون

في امان الله

ترك تعليق