حساء لذيذ بفواكه البحر بالصور

من موقع جاراتي اقدم لكم حبيباتي حساء عربي لذيذ بفواكه البحر بالصور رائع و صحي للكبار والصغار ولا ياخد من وقتك الكثير فهو سهل التحضير ويمكنك تقديمه على مائدة رمضان

حساء بفواكه البحر

المقادير والطريقه

في قدر الظغط او القدر العادي لو ما عندك

سخني ملعقه زيت وقلبي فيها ورق لورا ( الغار) وبصله سليمه و3 حبه مستكه لين المستكه تذوب والبصله تشقر

حساء بفواكه البحر

تضيفين جزره مقطعه كبير وكراث مقطع الجزء الابيض و 3 حبات هيل وتقلبين

حساء بفواكه البحر

وبعدين ضيفي الماء وخلي يغلي

حساء بفواكه البحر

تكونين مجهزه البحريات اللي تبيها وانا استخدمت فيليه السالمون و روبيان والخثاق

حساء بفواكه البحر

ممكن تضيفين المحار او الاخطبوط او ام الربيان مثل ما تحبين

وخلي المكونات تغلي وسكري القدر وخلي تقريبا 20 دقيقه

حساء بفواكه البحر

ملاحظه : للحصول على شوربه لذيذه لا تضيفين ماء سلق وايد خلي الشوربه مركزه يعني تقريبا تغطي المقادير وسويها على نار متوسطه

اعصري ليمونه كبيره تقريبا تطلع 3 ملعقه طعام عصير ليمون

حساء بفواكه البحر

بعد ما تستوي الاسماك صفي الشوربه وحطي المرق في قدر نظيف و نظفي الفيليه من الشوك وضيفيه للمرق مع باقي المكونات البحريه فقط يعني لا تضيفين الخضراوات

حساء بفواكه البحر

ذوبي ملعقه دقيق في ربع كوب من الشوربه وضيفيها على الشوربه وقلبيها هاي الخطوه تعطي الشوربه سماكه ولون ابيض محبب

حساء بفواكه البحر

ضيفي عليها الملح والفلفل الابيض والليمون وخليها تغلي لمده 10 دقائق

وقدميها ساخنه وممكن تضيفين كزبره خضراء او بقدونس مفروم حسب الرغبه

حساء بفواكه البحر

2 تعليقان

ترك تعليق