دنجال مشرمل على الطريقة المراكشية

اليوم جيتكم بوصفة دنجال مشرمل على الطريقة المراكشية ، الدنجال لي حاطيت اليوم طريقة تاع الناس مراكش قديمة وانتمنى أنها تعجبكم . للزائرات العربيات فالدنجال هو الباذنجان اللي فالصورة

دنجال مشرمل على الطريقة المراكشية

من دون إطالة اترككن مع الطريقة والمقادير

كنشدو دنجال متوسط ونغسلوه ونفلحوه بسكين ماشي بزاف من الفوق كاين لي كيخاليه

بطريبيشة تاع كاين لي كيحيدو انا مدرتوش فتحتو من تحت ودخلت فيه تشرمولة عبارة عن

معدنوس مقرض
كمون ، إبزار
سودانية شوية
تحميرة
ثومة محكوكة
ملح
عصير الحامض تقريبا نص حامضة صغيرة
زعفران بلدي وملون

زيت زيتون ونخلط ترشمولة تاعنا ونعمر الدنجال مزيان من لداخل

ونحطو فكوكوت وداكشي لي شاطلي من تشرمولة نحطو من فوق

ونزيد زيت عادية ولما نديروه بغطي شوية دنجال

ونقفل على كوكوت حتى نحس بيه شرب مرقة مزيان

ولا غي زيت تتبان ولي طايب مزيان

ونقدموه مع اي حاجة انا رافقتو مع كفتة تاع سردين

وكيجي رائع غي جربوه متندموش

وشي دعيوة البنات الى عجباتكم وصفتي

13 تعليق

ترك تعليق