سلو لذيذ وبمقادير سهلة بالصور لشهر رمضان المبارك

السلام عليكم جاراتي العزازات جبت ليكم هاد المرة وصفة من الوصفات الضرورية فشهر رمضان لي هي سلو لي القيمة الغذائية ديالها جد غنية وكذلك لذيذة بزاف منطولش عليكم نبداو بسم الله

سلو لذيذ وبمقادير سهلة

المقادير :

كيلو ونصف طحين
نصف كيلو زنجلان
نصف كيلو لوز
نصف كيلو سكر صقيل
معلقة كبيرة نافع مطحون
معلقة كبيرة و نصف قرفة
معلقة كبيرة ملح
نصف كيلو زبدة
رابعة عسل
نصف كاس ماء الزهر
نصف معلقة مسكة حرة

طريقة تحضير سلو :

كنحمرو الطحين فالفران حتى يولي ذهبي وناخدو زنجلان من بعد منكونو نقيناه نغسلوه ونشفوه

وناخدو منو كاس ونطحنو البقية حتى يولي منيل

واللوز نغسلوه ونسلقوه ونقشروه نديروه يتقلا حتى يولي لونه ذهبي

وفي اناء كبير اولا قصرية كنديرو الطحين و اللوز لي طحنا و القرفة مطحونة والزنجلان المطحون والملح والمسكة الحرة

ونخلطوهم مزيان عاد نزيدو السكر الصقيل و اللوز صاين و الزنجلان صاين ومااء الزهر

ونخلطو مزيان فكسرونة نديرو الزبدة والعسل وندوبوهم وحنا كنحركو

وملي يدوبو نخليوهم يفترو شوية دقيقة بحال هاكاك ونكوبو بالشوية بشوية على الخليط لي عندنا

حتى يولي متجانس ونقدموه بالشكل لي بغينا

انا ختاريت هاد الشكل

وهاهو سلو لذيذ  بالصحة والراحة ورمضان مبارك من عند لالة فاطمة متنساوناش من صالح الدعاء

الوصفة للاخت Fatimato Cuisine

4 تعليقات

ترك تعليق