طريقة تحضير كيك بوبس بالصور لذيذة وجد سهلة

السلام عليكم جاراتي الحبيبات ان شاء الله تكونو بخير
وعلى خير هاد المرة جيت نشارك معاكم وصفة جد رائعة
من عند الاخت كريمة لي هي كيك بوبس هي وصفة اقتصادية
بامتياز والمكون الاساسي ديالها البقايا ديال الكيك كتجي رائعة
جدا والمذاق ديالها اروع وتجنبي حتى وليداتك من الحلويات ديال
الزنقة لان هادي غتكون احسن ان شاء الله ونقية بلا منطول عليكم
نتوكلو على الله ونبداو بسم الله

كيك بوبس

المقادير :

300 غرام كيك
100 غرام شكلاط
100 براليني لوز او بندق الا مكانش ناخد
100 غرام لوز محمر ومطحون
100 غرام حلوة الترك اختياري
100 غرام نيستلي ابيض او كراميل
للتزيين :
شكلاط اسود دايب
كوك
ملونات غذائية
شكلاط ابيض
اعواد بلاستيك اولا خشب بحال المصاصات

cake pops

طريقة تحضير كيك بوبس :

هاد النوع من الحلويات عندا طرق كثيرة وكل واحد
والطريقة ديالو كيفاش كيحضرها وهاد الطريقة هي
كيفاش كتوجدها الاخت كريمة وماشي بالضرورة
نتقيدو بهاد المكونات لي عندنا المهم والاساسي
فيها الكيك والشكلاط والعبار لي محطوط هو مجرد
تقديري ممكن انك تزيدي فيها على حساب الكمية
لي باغا توجدي وبالنسبة لبراليني وحلوة الترك زدتهم
لانهم كيضيفو مذاق رائع وممكن الا متوفروش عندك
ماشي مشكل تستغناي عليهم ودابا ندوزو لمرحلة التحضير
اول حاجة ناخدو الكيك لي يا إما كيكون واجد عندك من قبل
وشاط اولا حتى داكشي لي كيشيط من الجينواز نحتفظو
بيه لبحال هادشي

cake pops

ناخدوه ونفتوه

cake pops

ونزيدو عليه الشكلاط لي ذوبناه فحمام مريم
ونيستلي طايب انا ختاريت ندير ديال كراميل
وحلوة الترك والبراليني ممكن تستغناي عليهم
وتعوضيه باللوز محمر ومطحون

cake pops

ونخلطو هاد المكونات حتى يولي عندنا
بحال العجين متماسك ومتجانس

cake pops

ونديرو كويرات منها متوسطة الحجم

cake pops

ونلصق فيه العود

cake pops

من بعد منكونو ديوبنا الشكلاط فحمام
مريم ونديرو راس ديال العود فيه

cake pops

وندخلو الكيك ديالنا للثلاجة باش العود يشد
راسو مزيان

cake pops

ومن بعد نديرو كل كرة فشكلاط اسود دايب

cake pops

cake pops

ومن الاحسن تكون عندنا شي قطعة ديال
الفلين ونبداو نلصقو فيها كل وحدة

cake pops

وناخدو الكوك لي عندنا نجيبو الملونات الغذائية
ونلونو بيهم الكوك انا ختاريت الاخضر والبرتقالي

cake pops

 جزء نزينوه بالكوك من الفوق كل لون لوحده

cake pops

وجزء اخر نزينوه بالشكلاط الابيض على شكل
خطوط او لوز مهرمش وكتبقى الرغبة ديال كل
شخص فالتزيين كيفاش كيحبها وندخلوها للثلاجة
حتى تبرد مزيان ونقدمو كيك بوبس بالصحة والراحة

cake pops

وبكل حب لحبابنا نتمنى تنال اعجابكم ونالو
نصيب من صالح دعائكم ولاعز الناس بالشفاء العاجل

cake pops

ولصاحبة الوصفة جزاها الله عنا كل خير
و وفق الله سعيها في امان الله

المصدر : صفحة الفايسبوك كدها بالفعل

5 تعليقات

ترك تعليق