فطائر بالتونة بالمراحل والخطوات

بعد وصفة كيكة بحشوة نيسلي من الجارة lamarti ، هاهي تطل علينا بوصفة جديدة عبارة عن فطائر بالتونة

فطائر بالتونة

المقادير :

4كيسان الدقيق الأبيض
4 معالق كبار الزيت نباتية
1 دانون طبيعي
معلقة كبيرة السكر
شوية الملحة
2 معلقة كبيرة خميرة الخبز
1 معلقة صغيرة خميرة كيماوية

الحشوة :

صلصة الطماطم
التونة ديال الزيت
بصلة مشلضة ومشحرة
الملح

طريقة فطائر بالتونة :

فكاس كنوضعو خميرة الخبز مع السكر و3 معالق ديال الماء دافئ ونخليوها 8 دقايق حتى دير الرغوة

وفإناء كنخلطو جميع المقادير ونضيفوليها خليط الخميرة ونعجنوها بالماء دافئ مزيان

مكتحتاجش الما بزاف عينك ميزانك أجارتي وغطيها وخليها ترتاح 25 دقيقة حتى يتضاعف الحجم ديالة

وندوزوا الحشوة كنشحروا البصلة مع الزيت ومليحة وملي تدبال نطفيو البوطة

ونضيفو صلصة الطماطم وعلبة التون وإدا حبيتي يمكنلك تزيدي الزيتون أخضر مقطع وها الحشوة واجدة

من بعد ما خمرات العجين كاناخدو طاوة ندهنوها بالزيت ونشكلوا كويرات من العجين صغيرة الحجم

ونستفوهوم فالطاوة بشكل متقارب وطبعا فعملية التكوير كتستعملي الزيت

ملي تكملي كمية العجين كتخليهوم واحد 5 دقايق

ومن بعد كتعملي حفيرات فالوسط بيدك وكتعمريهوم بالحشوة

ودهني الجناب بصفار البيض مخلط مع القليل من الخل

فطائر

ودخلي فطائر بالتونة دياولك للفرن

فطائر

فطائر

وبالصحة والعافية

19 تعليق

ترك تعليق