كراتان البطاطا و الكفتة والبيض المسلوق

اليوم جيت و جبت لكم معايا التفاصيل ديال الكراتان البطاطا

و الكفتة والبيض المسلوق هاد الكراتان لي داقو

مكيشبعش منو جربوه جاراتي وغدين تشوفو البنة   

كراتان البطاطا و الكفتة والبيض مسلوق

مقادير كراتان

كيلو بطاطا
2 بصلات مشنفين
2 ضروس تومة
نصف كيلو كفتة
200 مل كريم فريش
2 فرماجات و اي فرماج اخر عندك
3 بيضات
كاس صغير حليب
شوية الزيت
زيت البلدية
موطارد
صلصة الصوجا
بشاميل (2 م الزبدة-2 م الدقيق-كاس كبير حليب-شوية الجوزة-ملح-ابزار-جبن)
معلقة تحميرة
معلقة سكينجبير
نصف معلقة ابزار
معلقة كامون
شوية الخرقوم
ملح
قرفة
شوية المعدنوس
الهريسة

طريقة تحضير كراتان البطاطا و الكفتة و البيض المسلوق  

اول حاجة كناخد البطاطا كنقطعها قطع صغيرة

و كنسلقها مع شوية الملح و الزيت

كراتان البطاطس

هنا ملي تسلقات صفيتها من هاد الماء

كراتان البطاطس

هنا وجدت كاس حليب مع اي فرماج عندي و الموطارد مع

كريم فريش والسر ديال البنة شوية ديال السمن

اقل من راس المعلقة و من طبيعة الحال ملح و ابزار

و الجوزة و درتهم فوق البوطة على نار مهيلة

كراتان البطاطس

وزدت عليهم البطاطا بعد ما صفيتها و بديت كنخلط الخليط

ديالي باش يولي بحال Purée حتى يعقاد بحال العجينة

كراتان البطاطس

هنا جبت مقيلة ديالي متكونش كتلصق و درت فيها البصلة

و الربيع و التوابل ديالي مع الصوجا و الثومة و الهريسة

و خليتهم يتقلاو مع الزيت

كراتان البطاطس

هنا البصلة طلقات الماء و بدات كتدبل

كراتان البطاطس

جيت و حطيت الكفتة ديالي مع كاس ديال الما

و خليتها تشحر حتى طابت

كراتان البطاطس

ملي طابت زدت عليها الزيت البلدية و خليتها تطيب حتى نشفات

كراتان البطاطس

طفيت البوطة على الكفتة و بديت كنحضر البشاميل

(م الزبدة-2 م الدقيق-كاس كبير حليب-شوية الجوزة-ملح-ابزار-جبن)

كندوب الزبدة و كنزيد الدقيق كنخلي كلشي يطيب

عاد نزيد الحليب و الجبن و الملح الابزار الجوزة

ملي يعقاد نطفي البوطة و نخليه يبرد

كراتان البطاطس

هنا سلقت البيض و قطعت الى نصفين

كراتان البطاطس

جبت المول ديالي و بديت بالبشاميل

كراتان البطاطس

قسمت البطاطا الى نصفين و حطيت طبقة ديال البطاطا

كراتان البطاطس

وطبقة ديال الحشوة ديال الكفتة

كراتان البطاطس

ومن الفوق البشاميل و البيض

كراتان البطاطس

اخيرا زدت طبقة ديال البطاطا و البشاميل من الفوق

كراتان البطاطس

دخلتها الفران حتى تحمر

كراتان البطاطس

جبت الفرماج محكوك

كراتان البطاطس

وهاهي وجدات الحمد لله

كراتان البطاطس

نتمنى تكون عجباتكم هاد الوصفة 

6 تعليقات

ترك تعليق