كوكيز بزبدة الكاوكاو مقرمش ولذيذ

السلام عليكم جاراتي ان شاء تكونو على خير
كنقدم ليكم طريقة جديدة لوصفات الكوكيز
كوكيز بزبدة الكاوكاو وجد سهلة ونقدموها فالمناسبات
واعياد الميلاد ديال الوليدات بالخصوص والفطور
اولا الوجبات المدرسية ديالهم وحتى الكبار كيحماقو عليه
نتوكلو على الله ونبداو بسم الله

كوكيز بزبدة الكاوكاو

المقادير :

50 غرام زبدة
4 معالق صغار زبدة الكاوكاو
100 غرام سكر سنيدة
150 غرام طحين
بيضة
نصف معلقة خميرة كيميائية
60 غرام شكلاط حبيبات

طريقة التحضير :

فاناء كنطربو الزبدة وزبدة الكاوكاو والسكر
سنيدة حتى يولي خليط جد متجانس ومن البيض
وحنا فنفس الوقت كنطربو ومن وراها الطحين
و الخميرة والشكلاط حبيبات وملي تولي
عندنا عجينة متجانسة

ونشكلو منها كويرات الحجم ديالها تقريبا
قد الكركاعة وملي نكملو الكمية كالمة
ونزوقوها بفورشيطة 

وندخلوها لفران طيب نكونو مسخنينو
على درجة حرارة 180 ونقدموها بالصحة
والراحة

كنتمنى تعجبكم وتجربوها

ونالو نصيب من صالح دعائكم
ولاغلى الناس بالشفاء العاجل
ولصاحبة الوصفة جزاها الله عنا كل خير

المصدر : moutfou.canalblog.com

ترك تعليق