كيكة بالسميدة و الكوك لذيذة جدا و هشيشة

السلام عليكم جارتي كيكة بالسميدة و الكوك
كتجي رائعة توجديها لضيافك تحمري بيها وجهك
و لعائلتك فالفطور او وجبة اللمجة بمقاير بسيطة
و طريقة التحضير ابسط

كيكة بالسميدة و الكوك

نبداو بسم الله

مقادير كيكة بالسميدة و الكوك :

2 كيسان سميدة رقيقة
2 خمارات
4 بيضات
كاس زيت
كاس سنيدة
كاس حليب
50 غرام كوك
للتزيين :
العسل
كوك

 كيكة بالسميدة و الكوك

طريقة تحضير كيكة بالسميدة و الكوك :

كنخلطو السميدة مع الزيت و البيض والخمارات و السنيدة
و الحليب و الكوك مزيان وملي كيولي خليط متجانس كنجيبو
الطاوة ديالنا مدهونة بالزبدة و مرشوشة بالدقيق ونكوبو فوقها الخليط

كيكة بالسميدة و الكوك

و ندخلو الكيكة ديالنا الفران ملي طيب مزيان نخرجوها ونسقيوها
بالعسل و نرشوها بالكوك

كيكة بالسميدة و الكوك

و نقطعوها على الشكل لي بغينا

كيكة بالسميدة و الكوك

و ها هيا الكيكة موجودة بالصحة و الراحة

كيكة بالسميدة و الكوك

2 تعليقان

ترك تعليق