كيكة زيبرا برايبي سهلة ولذيذة

كيكة زيبرا برايبي وصفة جديدة من أحد الجارات والتي لم نتوصل باسمها

وأدعوها من هذا المنبر إلى التسجيل معنا في موقع جاراتي

وافادتنا بوصفاتها مشكورة عليها

دون إطالة أترككن مع طريقة عمل كيكة زيبرا برايبي بطريقة جديدة

كيكة زيبرا برايبي

المقادير :

2 بيضات

كأس و نصف سنيدة

كأس ونصف زيت

1 فاني 1رايبي

2 خميرات حمرين

2 كيسان الدقيق

والملح

للتزيين :

شكلاط اسود و ابيض

2 دانيت

فراولة

طريقة التحضير:

في خلاط كنديرو البيض سنيدة الملح و الفاني

و كنخلطو مزيان ثم كنضفو الزيت و رايبي وكنخلطو مزيان

و كنضفو الخميرة والدقيق

و منبعد كنقسمو العجين الى نصفين الاول عادي و الثاني كنزيدو عليه الكاكاو

و منبعد كنجبو المول مدهون بالزبدة و الدقيق وكنشكل العجين على شكل زيبرا

و كندخلوها الفرن 40 دقيقة ثم ملي طيب كنخليوها تبرد

في كاسرول كندوبو الشكلاط الاسود وكنضفو ليه دانيت

وكندهنو بها الكيكة وكندوبو الشكلاط الابيض وكنشكلوه على شكل ميلفوي

وكنزوقوها بالفراولة وهاهي الكيكة ديالنا وجدة هشيشة و لذيذة

jarti

و بالصحة و الراحة 

لعحباتو الكيكة اكتب ليا تعليق

و شكرا.  

22 تعليق

  • السلام عليكم آسفة اختي يلاه شفت التعليق ديالك حسنا. انا عندي الفرن ديال الغاز فانا كنشعل الفرن قبل مندير الكيكة و لكن ميكونش سخون بزاف و كندخل الكيك مدة 40 دقيقة وكتجي ناجحة و 180 درجة في الفرن الكهربائي كتيرة شوية 150-170 مزيان و لكن كنصح الاخوات ان الكيكة كنجي ناجحة %100 في الفرن الغاز. سوال للاخت شحال المدة لخليتي فيها الكيكة في الفرن ؟ واش حليتي الفرن قبل من 30 دقيقة ؟ ارجو من الاخت الاجابة…

    • salam om mohamad amine, LAH yjazik bikhir 3la ijaba.rani dertha une autre fois et j ai mis le four f 100 🙂 oui dért akhir daraja o sd9atliya zwina o dért jouj 9trat dyal lkhal bach jat mnfoukha,
      chokrane bzzaf 3la lwassafat c bon 🙂

  • oukht ام محمد امين: rani jrébtha hier walakine masd9atlich, jat m3jéna et t7r9at men taht, jatni lbkiya!! normalement j ai four electriq et dert 180 kan skhoune déja , au début tnfkhat mziane et goult radi tji zwina walakine, à ton avis 3lach matabétch men lwst o jat m3jna

  • salam 3alaykom, hadchi bayén zwine LAH yjazikom bikhir darajat 7ararate four 180? ykon skhoun mosba9ane? ana 9lil fine katsdé9li kika hchicha, radi njréb hadi, j ai un four electriq

  • السلام عليكم اختي كيفاش كتشكلي شكل زيبرا؟ كتخدي المول مدهون و العجين كديري 3 معالق العجين العادي في وسط المول ثم كتهزي 2 معالق من عحين الكاكاو و كتصبيه في وسط العجين الابيض وكتستمري في العملية حتى تسالي العجين وكنتمنى تعجبك شكرا لك اختي على المشاركة.

    • سلام عليكم اختي رايبي ديال الرمان هو لي استعملت في الكيكة امكن ليك ديري دانون اي نكهة بغيتي فبلاست رايبي.

  • شكرا اختي على الوصفة الرائعة ونعتذر على عدم نشرها باسمك لأننا لم نتوصل به
    وبالتوالي فالموقع ينشرها باسم أحد الجارات بشكل اوتوماتيكي،

    تم تعديل الموضوع وقد عملت لك حساب جديد في الموقع لقادم وصفاتتك باذن الله

  • سلام عليكم انا اسمي ام محمد امين وانا مامسجلاش في الموقع و كيكة زيبرا برايبي هي الوصفة ديالي و انا لدرتها في الموقع. السؤال هو علاش مكتوب هاد الوصفة من طرف سكينة سلامي و انا هي صاحبة الوصفة المرجو الرد و تصحيح الخطأ.

  • سلام انا صاحبة الوصفة كيكة زيبرا برايبي بعيت نسجل في الموقع كجارة و لكن ماعرفتش علاش مكيتقبلش ليا كندخل الاميل و الكود و لكن مخدامش كنتاسف على هاد المشكل. المهم ادعوا كل الجارات الا قراو الوصفة ديالي اكتبو ليا تعليق بغيت الوصفات ديالي اكون عندها اكبر عدد ديال التعليقات و شكرااأ.

ترك تعليق